ديرها | حضور
هوية، صفحات، واتساب أعمال، ملف تعريفي وبريد رسمي.
نجهزوا صورتك الرقمية قبل ما تبدأ تحكي.ديرها — كل اللي يحتاجه شغلك على النت، في مكان واحد.
حضورك. محتواك.
ونظامك — ديرها.
من أول ما تختار اسم وشكل لمشروعك، للمحتوى والإعلان والموقع والنظام والاشتراك الرسمي والدورة اللي تمشّيك بروحك. نفهموا شن تحتاج، وننفذوه بطريقة واضحة.
مجرد مثال — مش عميل حقيقي
المحادثةمتصل توا
نبي نرتب شكل مشروعي10:42 ✓✓
ونبي محتوى يوصل للناس10:42 ✓✓
وموقع يلمّ كل شي10:43 ✓
يكتب توا
طلب جديدمجرد مثال
الخطة وضحت
- البداية
- حضور وهوية
- بعدها
- محتوى وموقع
- الحالة
- جاهز نرتبوه
ست طرق تخلي شغلك أوضح
شن ناقص مشروعك توا؟
اختار الحاجة الأقرب ليك، وتو نوريك وين تخدمها ديرها.
ديرها | حضور
نجهزوا حضور يخلي مشروعك معروف من أول نظرة.
هوية واضحة، صفحات مرتبة، واتساب أعمال، ملف تعريفي وبريد رسمي يخلو كل نقطة تواصل تحكي بنفس الصوت.
مجرد نموذج
اسم المشروعالزبون يفهم شغلك
الزبون يفهم شغلك
من أول سطر.
كلام واضح، وخطوة جاية معروفة.
خدمات ديرها
أي حاجة رقمية، في مكانها الصح.
كل قسم عنده دور واضح. نقدروا نبدأوا بخدمة واحدة، أو نركبوا لك أكثر من خدمة على حسب مشروعك.
ديرها | ميديا
خطط محتوى، كتابة، تصميم، فيديوهات ونشر منظم.
صفحتك تتحرك، وإنت ركّز في شغلك.ديرها | انتشار
إعلانات، استهداف، صفحات هبوط، بحث وقياس نتائج.
نوصّل خدمتك للناس الصح.ديرها | بناء
مواقع، متاجر، تطبيقات، حجوزات وأنظمة رقمية.
نبنولك الحاجة اللي تخدم مشروعك.ديرها | اشتراكات
المتوفر توا: نطاقات، استضافة وتراخيص عبر قنوات رسمية.
عملات TikTok وMeta Verified الشخصي مؤجلة حالياً.ديرها | تعلّم
كورسات وتدريب رقمي مباشر أو مسجل.
نتعلموها معاك لين تقدر تديرها بروحك.كيف نخدموا؟من رسايل متفرقة
من رسايل متفرقة
لحاجة مرتبة تخدمك.
نسمعوا منك
نفهموا كيف ماشي شغلك توا، وشن الحاجات اللي تاخذ منك وقت أو تضيع بين الرسايل.
نجهزوا أول نسخة
نوريهالك بكري ونجربوها معاك، قبل ما نكملوا باقي التفاصيل.
نشغلوها معاك
نطلعوها للخدمة، نورّوك كيف تستعملها ونعدّلوا اللي يحتاج تعديل.
ونديروها معاك خطوة بخطوة.
من الأول كل شي واضح
قبل ما نبدأوا، نكتبوا كل شي.
«السعر النهائي كم؟» 12:51 ✓✓
القيمةنحدّدوها بعد ما نفهموا المطلوب، ونكتبوها بالدينار قبل ما نبدأوا.
«شن داخل في الخدمة؟» 12:52 ✓✓
شن داخلنقولولك شن بنسلّموا، وشن نبو منك، وشن يتحسب زيادة.
«وبعد ما يشتغل؟» 12:53 ✓✓
بعد ما يشتغلنتفقوا من الأول على المتابعة والتحديث والصيانة.
«كيف نضمن إنه تم؟» 12:54 ✓✓
إثبات وسياسةكل طلب مسجّل، والتسليم والاسترجاع مكتوبين قبل ما تدفع.
شن معناها «أي حاجة رقمية»؟
حاجة تتنفذ وتتسلّم رقمياً: هوية، محتوى، إعلان، موقع، تطبيق، نظام، اشتراك أو تدريب أونلاين.
الحد اللي ما نتعدّوهش
ما نبيعوش عملة أو تفاعل وهمي، وما ندخلوش حسابك. الاشتراكات تكون بكود، هدية، دعوة أو قناة رسمية واضحة.
ديرها معاك — مساعدة رقمية مجانية
شوف المساعدات المجانية مدام وصلت لديرها، ما تطلعش إلا وإنت مستفيد.
حتى لو ما طلبتش خدمة: نوقفوا معاك في خطوة رقمية صغيرة وآمنة، وإنت اللي تتحكم في حسابك من جهازك.
تعاملك معانا مباشر من أول رسالة لين نسلّموك.
ديرها مشروع صغير، وهذي ميزة عندنا: نفس الشخص اللي يفهم شغلك يتابع معاك ويشرحلك كل شي وقت التسليم. ما تضيعش بين حسابات وأقسام.
قبل ما تبدأ معانا
كل اللي ممكن تسأل عليه.
عندي صفحة فيسبوك، شن تقدروا تزيدولي؟
نراجعوا شكل الصفحة وكلامها ومحتواها، وبعدها نقولولك لو تحتاج هوية، محتوى، إعلان أو رابط ثابت يجمع خدماتك. نبدأوا بالحاجة اللي فعلاً ناقصتك.
كيف تنفذوا الاشتراكات الرقمية؟
عن طريق كود رسمي، هدية من المنصة، دعوة على الإيميل أو حساب موزّع معتمد. ما نطلبوش كلمة سرك ولا رمز التحقق، والخدمة تتأكد حسب دولة حسابك قبل الدفع.
شن سياسة الاشتراكات والاسترجاع؟
القيمة النهائية توصلك مكتوبة بالدينار قبل الدفع. لو ما نفذناش الطلب نرجعوا القيمة كاملة، ولو نفذنا جزء نكملوه أو نرجعوا قيمة الجزء الناقص. بعد تسليم كود صالح أو خدمة رقمية مستهلكة، الاسترجاع يخضع لشروط المنصة والبيانات اللي أكدتها.
شن تبو مني باش تبدوا؟
نبو نبذة على شغلك، المحتوى اللي عندك، كيف تخدم توا، وشن النتيجة اللي تبي توصللها. بعدها نحددوا المطلوب.
الشغلة تاخذ قداش وقت؟
على حسب حجم الشغل والمحتوى الجاهز. قبل ما نبدأوا نعطوك مدة واضحة ومكتوبة.
الدومين والاستضافة على من؟
قبل ما نبدأوا نوضحولك تكلفتهم وملكية الحسابات. والأفضل إن الحاجات الأساسية تكون باسمك من البداية.
لو أول نسخة ما عجبتنيش، شن يصير؟
نتفقوا من الأول على عدد التعديلات وشن اللي يشملوه، باش كل واحد يكون عارف شن له وشن عليه.
؟
ديرها لشغلك
احكيلنا على شغلك في سطرين.
جهّز ملخص واضح للمحادثة. ما نخزنوش بياناتك ولا نبعثوها.السلام عليكم، نبي نسأل ديرها على خدمة: حضور وهوية رقمية. اللي نبيه: [اكتب شن تبي هنا]